|
رد: أرجووووكم ساعدوووني
الحمدلله روحت للدكتورة بليل وطمنتني وقالتلي اديه محلول جفاف كل ساعة
وروحت لها امبارح قالت ياكل عادي وبقي كويس وعطته فيتامين وابره جلوكوز تحت الجلد وجه البيت اكل لوحده ماشاء الله وشرب مية بس علي الليل رجع تاني يرفض الاكل وياكل بالغصب والصبح النهاردة حاولت اخليه ياكل برضه رافض بس اكل تونة ولاعبته شوية كان مستجيب الي حد ما للعب لكن برضه احسه فاقد شهيته .. لو تقدروا تقولولي السبب لاني تعبت جدا :( افيدوني جزاكم الله خير |
رد: أرجووووكم ساعدوووني
تنفس القط طبيعى ولا بيتنفس بسرعه
وضرورى تشوفى درجه حرارته |
رد: أرجووووكم ساعدوووني
انا رحت للدكتورة تاني وتنفسه عادي بس قبل ماروح حسيته بيمشي مش متزن
قاست الدكتورة درجة حرارته قالتلي ضغطه منخفض 37 وكسور كتبتلي فيتامين وقالتلي لازم ياكل اي حاجة بس هو رافض ياكل ، عطيته زبادي بالعسل بالسرنجة وبقاله 4 ايام مش بيتبرز بس يمكن لانه مبياكلش انا حساه مكتئب وناس قالولي الي هو فيه بسبب انه عايز يتجوز لانه كان قبلها بيتمرغ في الارض وبينونو كتير وكان مقلل الاكل وفجاة قطعه انا مبقيتش عارفه ايه الصح وايه الغلط ومش فاهمة ايه حصله مرة واحدة وخايفه من امتناعه عن الاكل ده انا اسفه اني بزعجكم بس عايزة رايكم وخبرتكم |
رد: أرجووووكم ساعدوووني
لا القطه مش بيجليها اكتئاب بسبب التزاوج
لو قط كنت قولتلك احتمال لكن قطه صعبه طب ممكن تقوليلى كل الادويه الى خدتها القطه لان كتره الادويه مش حل بل ممكن تعمل مشكله فى انتظارك |
رد: أرجووووكم ساعدوووني
هو قط ذكر مش انثي ..
هو فعلا علي مدار الاسبوع الي فات اخد دوا كتير واخد ابر كتيرة منها فيتامينات وابرة للديدان وابرة لوقف الترجيع ومضاد حيوي وكان بياخد فلاجيل 5 سم 3 مرات في اليوم لعلاج الديدان ، وعند الدكتورة التانية كانت كل يوم تديله ابرة فيتامينات وابرة محلول تحت الجلد مع كمان انه كان مانع الاكل والشرب تماما انا بديله الاكل بالسرنجة وهو بيشرب من نفسه وبياكل دراي فود لوحده بس حبات قليلة خالص بس رافض اي اكل تاني والحمدلله حركته افضل والاهتزاز وقف شوية بس رجع تاني هل ممكن ضغط الدم المنخفض ده بسبب كمية الادوية والابر الي اخدهم وازاي اعالجه وحيتوقف امتي ؟؟ |
رد: أرجووووكم ساعدوووني
اول حاجه الفلاجيل مش بيعالج الديدان
ده مطهر معوى وكويس للاسهال لكن مش بيقضى على الديدان واكيد القط عدم الاتزان الى فيه من قله الاكل بصى الاكتئاب ده حاجه مقرفه جدا انتى حاولى اكليه بالسرنجه غصب عنه وقدميله اكلات ريحتها نفاذه زى السمك او اللحم او الفراح وكفايه علاج كدة انتى ادتيله ادويه كتير اوى اديله اجازه كام يوم ولو متحسنش هنشوف حل ان شاء الله وحاولى تخرجيه من الجو ده يعنى طلعيه مثلا البلكونه لو عندك جنينه قريبه منك خديه وانزلى اقعدى معاه شويه لاعبيه مثلا بخيط او باى لعبه بيحبها عشان يتحرك ويخرج من الجو ده شويه |
رد: أرجووووكم ساعدوووني
الحمدلله قطتي خفت بفضل الله
شكرا جزيلا علي اهتمامكم ومشاركتكم وربنا مايحرمني منكم ^^ |
رد: أرجووووكم ساعدوووني
حمد لله على سلامتها
اهتمي فيها يغلق ~~ |
| جميع الأوقات بتوقيت GMT +3. الساعة الآن 01:45 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو