رد: ممكن سؤال الكل يدش يفيدني
 

اخوي خبير الكلاب السيبيريان هسكي والالاسكان مالموت يعوون و ينبحون

والجيرمن شبرد يعوي و ينبح لكنه قليل العواء

و اذا تبي نتكلم عن جو الكويت الجلاب كلها واحد عندنا كل الجلاب يحتاجون تكيف بالصيف و مكان ذرا بالشتا

رد: ممكن سؤال الكل يدش يفيدني
 

الإخوان ماقصروا صراحة

أنا اتفق مع راي أخوي جاسم


اصرف النظر عن الهاسكي

ماراح يتلائم مع وضعك أبداً

خصوصاً انك ساكن في شقة

والهاسكي يحتاج الى مكان واسع ورفيق


لو اشتريت الجيرمن لازم انك تطلعه يومياً

على الأقل مرتين يومياً

وابحث عن سلالة طيبة ولايقل عن عمر4 شهور

وشرط يكون مطعم ومعاه شهادات تطعيمات معتمدة

ويفضل مايكون من بلود لاين أمريكي

لان هذا البلود لاين الديفينس درايف عنده ضعيف

;)

رد: ممكن سؤال الكل يدش يفيدني
 

اخوي جاسم انا ما اختلف معاك لكن بالنسبة للجو في نوع من الهاسكي يكون عنده طبقة واحده من الشعر و هذا الشي تغير جيني في الحيوانات للتأقلم مع البيئة فهذا النوع من الهاسكي يكون شعره قصير و يتحمل الحر وشكراً

رد: ممكن سؤال الكل يدش يفيدني
 

مشكورين على نصايح
واحترم راي الكل
وانا ساكن بشقه بس اروح نادي يوميأ ف اخذ الجلب وياي
وان شاء الله مثل مانصحتوني اني اخذ الجيرمن
وعسى ماتعبتكم بالاسئله :p

رد: ممكن سؤال الكل يدش يفيدني
 

ماقصرت يابوفهد عالتوضيح

اخوي خبير الكلاب انا فاهم قصدك

لكن هذا الكلام مو عندنا بالكويت

الحر حر بشر مايتحملونه حتى لو الريال بيربي دوبرمن هم يحتاج تكيف بالصيف و مكان ذرا بالشتا

رد: ممكن سؤال الكل يدش يفيدني
 

و عفوا احنى مانبي الجلب يتحمل و مايموت

احنى نبيه يكون بأفضل صحه

و الي مايقدر يوفر ابيئه المناسبه لكلب افضلله يغير تفكيره و يربي شي ثاني

ياما و ياما ماتو كلاب بالكويت بسبب حر الصيف و إهمال أصحابهم

رد: ممكن سؤال الكل يدش يفيدني
 

اها يعني بس يتحمل الجو المعتدل و شكراًً للمعلومة و اكيد نبي الجلب بصحة جيدة و اخي عبدالعزيز كلمني وقال بياخذ جيرمن شبرد شولاين لونج هير و الاخ صديق عزيز علي

رد: ممكن سؤال الكل يدش يفيدني
 

كل شخص حر بما يختار لكن احنا هنا لاعطاء النصائح اللي نشوفها افضل بسبب تربيتنا للكلاب والمشاكل اللي تمر علينا كثير " ولا اقول هذا الكلام للفخر " لا ابداً ..!

ولكن بالنسبه لحالته ينفع له جيرمن شيبرد لانه كلب حراسه ممتاز بعكس الهاسكي


والهاسكي يعوي مثل الذئاب وبأمكانكم مشاهدة ذلك بمقاطع اليوتيوب بالنسبه للجيرمن نباحه اكثر من العواء نادر مايعوي " الا اذا كان مسوي اوبرا فالليل وانت نايم :d "

يعوي مرات من الطفش ولوجوده لوحده ..

والكلاب جميعها تحتاج الى تكييف فالصيف وتدفئه بالشتاء بغض النظر عن نوعها الا اذا كان بلدي او جعري ممكن يتحمل الحر بنسبه معينه ولكن يتعرض لامراض وممكن يؤدي للموت لاقدر الله ..

بالنسبه لشعر الكلاب بعضها لونج هير " شعر طويل " ( ثلاث طبقات ) ميديم هير "شعر متوسط " ( طبقتين ) شورت هير " قصير الشعر " طبقه واحده ..

وكثافة الشعر مالها دخل ابداً

للتوضيح : الكلاب تأكل اكل يحتوي على بروتين و فيتامينات وغيرها من عناصر الغذاء التي تؤدي الى توليد طاقه داخليه للكلب وحراره عاليه " يقولك اذا بردت اكل عشان تدفى "!!

وخاصه الدراي فود يولد حراره وطاقه عاليه جداً ويتم تفريغ الطاقه عن طريق تمشية الكلب واللعب معه والركض..

هذا كله للايضاح وترتيب معلومات الاخوان ^^

رد: ممكن سؤال الكل يدش يفيدني
 

ممكن سؤال اذا دخلت الجلب بشقه تطلع الملائكه
في ناس قالو مايطلع اذا كان حراسه شنو رايكم ؟

رد: ممكن سؤال الكل يدش يفيدني
 

احنا مانفتي اخوي منتدانا منتدى تعليمي مو ديني

وتقدر تسأل المشايخ فيها واهل العلم الديني بهذي المسأله

موفق