|
رد: قط رضيع مايسكت من الصياح
مشكورين على مساعدتكم ونصايحكم
بس انا ماقدر اخليه برا الكرتون الا لما اكون جنبه افرش له بطانية ويمشي عليها وهو يتسلق على الاثاث ويطيح ويتعور واخاف احد يدوس عليه وهو مايدري فأخليه بالكرتون احفظ له او احمله يصيح شوي بعدين يسكت وينام ترى مو سهلة العناية بقط رضيع ماصار له شهر دعواتكم ان الله يوفقني للعناية به واشوفه صار كبير |
رد: قط رضيع مايسكت من الصياح
آميين
اجر ان شاءالله :) |
رد: قط رضيع مايسكت من الصياح
امي تقول:
لاتحمليه كثير بعدين يتعود مايسكت الا لما تحمليه زي الاطفال. وشو اسوي؟ يدي امتلت خرابيش من القط يعضني ويمص يدي يفكر نفسه يشرب حليب مع اني سقيته حليب باللابره بس ماعرف اذا شبع ولا لسه او بس يمصمص كده! احنا ماطعمناه ماقدر اوديه لبيطري يطعمه هل بيأثر عليه عدم التطعيم؟ صورته بالجوال بس الصورة مو واضحة ابغى اوريكم اياه ان شاء الله بكره اصوره عدل واوريكم صورته الله يعطيني الصبر ويوفقني لاهتم فيه احتاج نصايحكم وافكاركم |
رد: قط رضيع مايسكت من الصياح
ياقلبهم يتيم ويكسر الخاطر الله لايحرمك اجره
لو عندك لعبه ناعمه دبدوب او شي خليه بحضنه اما بالنسبه انو شبع اولا بتشوفي بطنه صار كروشه شوي يكون شبع:D اما التطعيم لسه بدري بعد مايكمل شهرين او ثلاث شهور |
رد: قط رضيع مايسكت من الصياح
اليوم فتح عيونه شوي وعمل فضلات مرة وحدة بس
ممكن اراسلكم الخبيرة ناديا ودلوعة قطوتي على الخاص عشان اذا احتجت شي او بغيت استفسر عن القط لو اكمل اسئلتي في هذا الموضوع؟ |
رد: قط رضيع مايسكت من الصياح
عادي تقدرين تنزلين اسئلتك بالموضوع او عالخاص زي ماتحبين
|
رد: قط رضيع مايسكت من الصياح
طيب باكمل اسئلتي هنا
تدرين اول مرة اربي قط رضيع بالعادة اربي قطط اكبر من هذا فوق 3 شهور تقريبا ولا قطط كبيرة اما هذا القط عمره اسبوع تقريباً ومبهدلني واتحملوني طيب سؤالي: الحين القطو فتح عيونه والحمدلله ..وصار يصيح يبغى يطلع من الكرتونة اطلعه من الكرتون واخليه يمشي شوي على الفرش يمشي شوي ويصيح مدري وشو يبغي؟وين اوديه؟ اخاف يدخل تحت الاثاث ولا يقضي حاجته على ارض وينجس المكان وبعد سؤال: امس شفته اخرج فضلات وانتوا بكرامة مرة وحدة وكانت صلبة..هل استمر بمسح مؤخرته بالماء الدافيء بمنديل؟ ومتى اعرضه على الشمس ؟مايحتاج طاقة من الشمس؟ |
رد: قط رضيع مايسكت من الصياح
الحين القطو فتح عيونه والحمدلله ..وصار يصيح يبغى يطلع من الكرتونة اطلعه من الكرتون واخليه يمشي شوي على الفرش يمشي شوي ويصيح مدري وشو يبغي؟وين اوديه؟ اخاف يدخل تحت الاثاث ولا يقضي حاجته على ارض وينجس المكان
مايبي شي هم الصغار كذا وبعد سؤال: امس شفته اخرج فضلات وانتوا بكرامة مرة وحدة وكانت صلبة..هل استمر بمسح مؤخرته بالماء الدافيء بمنديل؟ لو اخرج فضلاته لوحده بدونك يكون خلاص مو محتاج لحركه المنديل بس لو اخرجها بمساعدتك يكون محتاج لك كم عمره؟ ومتى اعرضه على الشمس ؟مايحتاج طاقة من الشمس؟ عرضيه للشمس الصباح بدري او قبل المغرب ماتكون الشمس تحرق |
رد: قط رضيع مايسكت من الصياح
مشكورة على اجوبتك
يعني عادي اخليه في الكرتونه طول الوقت لين مايكبر شوي؟ |
رد: قط رضيع مايسكت من الصياح
العفووو
ايوه عادي اذا كمل شهر يصير يلعب وينطط ويتحرك وقتها طلعيه يلعب براحته بس عرضيه للشمس كل يوم والكرتون غيري المنشفه اللي تحته |
| جميع الأوقات بتوقيت GMT +3. الساعة الآن 11:29 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو