منتديات تو زوو

منتديات تو زوو (http://www.2zoo.com/vb/index.php)
-   سؤال و جواب لقسم هواة الزواحف (http://www.2zoo.com/vb/forumdisplay.php?f=60)
-   -   تعبت مع اصلتي البورميه ابي حل؟؟؟؟ (http://www.2zoo.com/vb/showthread.php?t=197340)

jassim99 27-12-2010 11:09 PM

رد: تعبت مع اصلتي البورميه ابي حل؟؟؟؟
 
شوف اخوي الاصله عيونها مو شرط تكون زرقه الحين عادي تصير زرقه يومين وترجع طبيعيه نفس ماكانت لكن بهالفتره راح تغير جلدها

خلها بالحوض و لاتلمسها و ارفع درجه الرطوبه اما عن طريق الرش بالبخاخ او انك تحط ليت قريب من ماعون الماء عشان يتبخر الماء وبالتالي تحصل الرطوبه اللازمه لتبديل الجلد واذا مارفعت درجه الرطوبه راح يتقشر جلدها و ماراح يطلع قطعه وحده

المهم بعد ماتبدل جلدها طلعها من الحوض و حطها بقفص عادي ( قفص طيور ) عشان تظمن ان التهويه ١٠٠٪ و ارفع درجه الحراره و قلل الرطوبه لانها عشان تتشافى تحتاج تكون بمكان ناشف و درجه حراره عاليه ٣٠ تقريبا و مثل ماقالك بايثون عرضها للشمس لكن لاتزيد عن ١٠ دقايق بالشمس و لاتنسى تنضف فمها من اللعاب و لاتعطيها اكل الا اذا تشافت ١٠٠٪ و وقف إفراز اللعاب

الأصله 27-12-2010 11:58 PM

رد: تعبت مع اصلتي البورميه ابي حل؟؟؟؟
 
والله يقول هذا كويس للحيايه والله يجيب اللي فيه الخير ويشفيهاااااا
من ناحية العيون صح زي ماقلت
ويسلم ياذوووووووووووووووووق

الأصله 31-12-2010 06:41 PM

رد: تعبت مع اصلتي البورميه ابي حل؟؟؟؟
 
حبايبي ابشركم اصلتي البورميه بدت تدخل مراحل الشفاءباذن الله والله الف شكر للناس اللي ساعدوني ونوروني بنصايحهم وارشاداتهم هي الان في طور تبديل الجلد ولله الحمد.

بس انتو قلتو انه لازم رطوبه طيب اجهزه مختصه بالشي هذا ماااااافي لكن انا جبتلها جهاز البخاااار مال الحريم حق الوجه وبالنسبه لي اشوفه تمااااام ..
السوال المهم قد ايش اخليه شغااااال في اليوم

ولكم تحياااااتي

jassim99 31-12-2010 11:08 PM

رد: تعبت مع اصلتي البورميه ابي حل؟؟؟؟
 
الف الف مبرووووووك

اذا ماخاب ضني هالجهاز رطوبته زايده عن اللزوم

انا افضل انك تحط لمبه فوق وعاء الماء و خله على طول لين تبدل جلدها الماء تلقائيا راح يتبخر

و بعد ماتبدل مثل ماقتلك خلها بقفص او بمكان التهويه تكون في كويسه و بعد 3 ايام من تنظيف الفم اذا شفت ان الفقاقيع انتهت جرب تعطيها وجبه و ان شاءالله تاكل

|| PyTHoN || 01-01-2011 01:27 PM

رد: تعبت مع اصلتي البورميه ابي حل؟؟؟؟
 
^

إي بس يقدر يتحكم فيه ؟

أعتقد الي شاريه في تحكم ، حطه أقل شي

..

jassim99 01-01-2011 02:56 PM

رد: تعبت مع اصلتي البورميه ابي حل؟؟؟؟
 
بايثون هذا الجهاز يطلع البخار بقوه... حتى تشوف البخار نفس الدخان

والشي الثاني انه حار وايد يعني اتوقع لو بيحطه لازم يشيل الدفايه.... و انت اخبر

|| PyTHoN || 01-01-2011 03:18 PM

رد: تعبت مع اصلتي البورميه ابي حل؟؟؟؟
 
^

اي اعرفه بس ترى بعضهم لهم تحكم مو شرط تخليه قوي حيل
في يكون خفيف و يكون بخار خفيف عادي ^^

أريـsupeـج 01-01-2011 03:56 PM

رد: تعبت مع اصلتي البورميه ابي حل؟؟؟؟
 


الله يخليها لك

والحمدلله على سلامتها

طبعا شكلها بنوته<<<<<<خراشه بس متعصبه للاناث

تتربا في عزك

انا زيك سارت اصلتي تعبانه نفس هذا المرض

لاني نومتها معايا في الغرفه وجها برد

بس الحمدلله سارت تمام


الأصله 05-01-2011 04:16 PM

رد: تعبت مع اصلتي البورميه ابي حل؟؟؟؟
 
سلام حبايبي
رجعت من جديد وعندي سوال بسيط اصلتي ماتبي بيتها تبي حوض الماي اغلب وقتها تكون فيه مستغرب من هالحركه؟؟؟؟؟؟؟
ترو هي للحين ما اكلة شي تقريبا قربت شهر
ولكم الشكر

jassim99 05-01-2011 05:19 PM

رد: تعبت مع اصلتي البورميه ابي حل؟؟؟؟
 
لا تحاتي الاكل و حركه حوض الماي هذي طبيعيه و عاديه و اذا كان عليها الحشرات الصغار الي يتغذون عالدم يموتون بالماي عادي خلها على راحتها ترطب جسمها


جميع الأوقات بتوقيت GMT +3. الساعة الآن 10:50 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو