والنعم بيك اخي الكريم "مسترزوز " .. والله ذكرتني بأيام الماضي .. سوق الحمام كان ماشي عندنا وخاصة في حمام الزينة وكانت اسعارهم فوق عالـ 15 والعشرين حتى انهم يوصلون للميئات لبعض الازواج من حمام الزينة .. فمثلا الحمام البوفوطة اللي لونة كريمي .. هذا كان نادر وسعر الزوج كان فوق الـ 500 دينار .. والحين اتحصلهم في اليوم بـ 30 دينار = 300 ريال .. ومهما صار في بعض الانواع والالوان من الحمام ما نزل سعرهم ولا راح ينزل ..

احنا بالبحرين انتاج الحمام عندنا بشكل حلو والمربيين والمهتميين وايد .. بس مرض انفلونزا الطيور رفع لنا سعر الببغاوات بأنواعها ، لانهم منعو استيراد هالنوع من الطيور ، والمشكلة ان انتاجهم عندنا صعب وبكمية بسيطة ... بس اشوة انهم ما منعو لا الاستيراد ولا التصدير لدول الخليج..

وبما ان سعر الهزاز عندكم فوق .. حاول انك تنتج منهم بطريقة سريعة وتستغل هالفرصة وأتاجر فيهم ..


وبالتوفيــــــق ..