منتديات تو زوو - ليه تجاره القطط فاشله ومافيها مكسب؟؟؟؟

منتديات تو زوو (http://www.2zoo.com/vb/index.php)

- قسم هواة القطط (http://www.2zoo.com/vb/forumdisplay.php?f=33)

- - ليه تجاره القطط فاشله ومافيها مكسب؟؟؟؟ (http://www.2zoo.com/vb/showthread.php?t=169394)

رد: ليه تجاره القطط فاشله ومافيها مكسب؟؟؟؟

والله ياحبيب قلبي شوف انت قبل ماتاخذ اي قطو شف انت ليه ماخذه .. انا بالنسبه لي هوايه

واذا انت تبي تجاره اسأل الناس الي يعرفون بتجرات القطاوه مثلا رح اتفق مع محل او جب ذكر بيكي مثلا

وخله يلقح بيكي انثى ويجيون عيالها الصغار وبعهم على طول بدون ماتنتظر ... واعرظهم بمنتديات

مو بس منتدى واحد وبعد اعرظهم على محلات

والتجاره ربح وخساره :12:

رد: ليه تجاره القطط فاشله ومافيها مكسب؟؟؟؟

اقتباس:

موضووع حلوو
انا بالنسبه لي ماحب اتاجر بارواح واستحاله ابيع شي من قطاوتي
انت تقول ليه نشتريهم غالين ونبيعهم ارخص انا اقولك ليش في المحلات اسعارهم غاليه ليه؟؟لانه وراهم ايجارات ورواتب ومصاريف للعنايه بالقطط فيبعونهم اغلا
اما المربي عنده في البيت لما يصيرون كثار يحب يقلل من عددهم لان العدد الكبير مشكله من ناحيه العنايه والمصاريف فيضطر يبيعهم بسعر اقل اعتقد هذا السبب
واللي بيبيع القطوه اللي عمرها شهر استنى عليها حرام هذي ترضع اقلها لعمر شهر ونص او شهرين والسعر على حسب النوع
هايدي ياعمري انتي والله حاسه بشعورك بس ان شاءالله اللي يتبناهم يهتم فيهم
ملاحظه ثانيه البنات لما يجون يبيعون يبعونها بسعر قليل والهدف انه اهم شي احد يخاف الله فيهم
اماالشباب هدفهم مادي بحت طبعا البعض مو الكل
والسبب الثاني انه سعرها اقل شي طبيعي انا لما اجي بشتري قطوه والقى سعرها غالي اروح اشتري من المحل افضل واضمن وكمان بكشف وتطعيم

مرحبا اختى يعطيك العافيهـ ع مشاركتكـ , وكلامكـ سليمـ المحلات يبعونها غاليهـ بسبب عنايه وراتب وكمان الاكل ,

^_^

رد: ليه تجاره القطط فاشله ومافيها مكسب؟؟؟؟

اقتباس:

تسلم ياحبيب روحى على مرورك ^_^ زى مائلت التجارهـ ربح وخسارهـ

رد: ليه تجاره القطط فاشله ومافيها مكسب؟؟؟؟

لا أخــوي من قــالك ,, بالعكس التجـاره فيـهم مربــــحه

بس لها سياسه معيــنه :

( طبعا خلي الله قدامك وخليك بقمه الأمـانه مع الزباين لانك راح ترضي ربك ثم راح تكسسسب ثم راح تثق الناس بك أكثر وتشتري منك وهي مغمضه )

1 - لازم اذا انت ناوي تشتري عشان تبيع وتربح فيـهم إنك تشتري نوع مرغــوووب

مثل هنا ماشي عندنا سوق الشيرازي والهيمالايا , احيـانا النــادر يمشي بس مو دايـما لان أغلب الأنواع النــادره لو بنجيبها مثل الراغدول او البيرمان او البريتيش او السكوتيش ,, ماتكون بطـول شعر الشيرازيه ووجهــا غييير ., والناس هنا يقيسون الجمال عالقط الشيرازي فـ هو المرغوب

2 - لازم تحسب لكـل شي حسسـابه ,, يعني لما بتبيع كيتين , قبل ماينفطمون بشهر او اسبوعين تعرضـهم
لان غالبا وخصوصا لو انك اول مره تبيـع , يبي لك تعيد الإعلان أكثر من مره , فـ لما ينفطمون الكيتين ,, يكون إعلانك معروف من قبل أكثر الهـواه وتبيع بسرعه

3 - لو نيتك تجــاره , انسى تجيب حاجه مهجنه , جيب دايما قطط نقيـه ومستويييات عااااليه

4 - حافظ على صحتهم قـد ماتقـدر عشان في أي لحظه يكونون جاهزين للبيع

5 - ولو نيتك تجــاره انسى تعمل للقطط عمليات تعقيييم لان الاغلب يبي قطط منتــجه

6 - أيضــا طريقه عرض القطط لها دور : الأسلوب الحــلوو الخفيــف + الصـور النقيه الواضحه + المكــان النظيف والمرتب الي فيه القطط , كل هالأشياء تضيييف جماليات كثيييره وتغري الناس بالقطط الي عندك حتى لو كان شكلها عادي

7 - مراعــاه النـاس بالأسعار وإعطـاء كل قطوه حقـها , يعني ماجيب قطوه عاديه واعرضها بآلاف

8 - العروض بين فتره وفتره تجذب النـاس لك وتعرفهم بك اكثر , يعني انت متـعود مثلا تبيع البيكـي فيس بـ ألفـين وفـوق , في فتره العروض خليـه بـ 1000 ريال أدري سعر قليل بس صدقني مراح تخسسر لان اول شي راح تمشي القطط بسسسرعه ثاني شي راح تعرف الناس فيييك ويشيع صيتك بين الهــواه ويلتفتـون لك بكل بيعه

9 - توفيـر وسيـله للمـواصلات او السماح بشحن القطط برضو يجلب لك زباين أكثر وتمشي بيعاتك بسرعه

10 - طبعا لازم تكون انت على مستوى عالي من الثقـافه بأمـور الحيوان الي انت تبيـعه عشان تتفـادى الامراض وتعرف طريقه التعـامل وتحافظ على صحتهم وحيــاتهم

وأمـور ثــانيه لكن هذا الي ببــالي حــاليـا :rolleyes:

أمــا الي تجيه ظروف ويبيع قطـوته وهو ماشراها على هالأساس , وقطوته تكون مهجنه او كبيييره بالعمــر وهو أول مره يبيع ومو معروف من قبل ولا أحد يثق في قططه وصحتها بما إنه اول مره يبيع ’ فـ يتحمل السعر الي يجــيه , هذا حال الدنيـا , لان زي ماقلت لك البيع المربح له سيـاسته

والسسسموحه عالإطـاله بس حبيت أوضح ان التجـاره بالقطط مربحه ومربحـه جدا بعد بس للـي يدرسها صح

وبالتـوفيق

رد: ليه تجاره القطط فاشله ومافيها مكسب؟؟؟؟

انا ضد ان البساس تخلف وتجيب عيال لانة ايش الفايدة اذا بعد كم شهر تبخ على عيالها وتطردهم
ولا ممكن تتزاوج معاهم. فكيف الاتجار بهذي الحيوانات الرقيقة. وياليت يطيح سوق بيعها مثل الاسهم ويصير سعر
البس بسعر السهم الواحد عشان الخلق تبطل هذي التجارة.اتمنى تتقبل كلامي وبالتوفيق

رد: ليه تجاره القطط فاشله ومافيها مكسب؟؟؟؟

مشكوورة سيسي على المعلومات المهمه حيل ..

ياليت المحلات يعطونك القطو نظيف وصحته تمام ومطعم

شفت كذا محل عارضين قطط اللي خاملة واللي وسخة واللي عيونها محمرة واسعارهم ماهي فيها ابداً

ولا اخر ماشفت عارض المحل قط بلدي واضح شكلة جدا انه بلدي ومو مهجن ولا شي يعني بلدي بيور وسألته بكم قال بـ 600 !!!!!

يعني لو قايل بـ 100 كنا مشيناها لكن بلدي ومعطيه هالسعر لا ويقول امريكي !

عموماً مصيره يندم و ربي الي بيحاسب

رد: ليه تجاره القطط فاشله ومافيها مكسب؟؟؟؟

من جد في محل في الريآض بس مانى قايل اسم المحل ^_&

بس مرات يجبون قطط بلديه وينظفونها واذا سئلهم حد قالو له هاذا قط امريكى يعنى بصراحه الى مابيفهم في القطط الله يعينهـ

رد: ليه تجاره القطط فاشله ومافيها مكسب؟؟؟؟

مين قال كده انا بكسب دهب

رد: ليه تجاره القطط فاشله ومافيها مكسب؟؟؟؟

اقتباس:

المشاركة الأصلية كتبت بواسطة sisi_moon (المشاركة 1593624)

لا أخــوي من قــالك ,, بالعكس التجـاره فيـهم مربــــحه

بس لها سياسه معيــنه :

1 - لازم اذا انت ناوي تشتري عشان تبيع وتربح فيـهم إنك تشتري نوع مرغــوووب

3 - لو نيتك تجــاره , انسى تجيب حاجه مهجنه , جيب دايما قطط نقيـه ومستويييات عااااليه

4 - حافظ على صحتهم قـد ماتقـدر عشان في أي لحظه يكونون جاهزين للبيع

5 - ولو نيتك تجــاره انسى تعمل للقطط عمليات تعقيييم لان الاغلب يبي قطط منتــجه

7 - مراعــاه النـاس بالأسعار وإعطـاء كل قطوه حقـها , يعني ماجيب قطوه عاديه واعرضها بآلاف

9 - توفيـر وسيـله للمـواصلات او السماح بشحن القطط برضو يجلب لك زباين أكثر وتمشي بيعاتك بسرعه

وأمـور ثــانيه لكن هذا الي ببــالي حــاليـا :rolleyes:

والسسسموحه عالإطـاله بس حبيت أوضح ان التجـاره بالقطط مربحه ومربحـه جدا بعد بس للـي يدرسها صح

وبالتـوفيق

صح لسانك :freind:

كفيتي ووفيتي

رد: ليه تجاره القطط فاشله ومافيها مكسب؟؟؟؟

لاالبعض يشتريه غاليه ويبيعه اغلى

مثل: يشتري ب 800 يبيعه 1000

الاكثر يسوي كذه