المشاركة الأصلية كتبت بواسطة طير الهوى (المشاركة 1427546)

،،

هلا بك اخوي ..

أول شي ماشاء الله تبارك الله .. ببغاء جميل ورائع .. والله يخليه لك ..

بالنسبة للمقاطع شاهدتها وكان عندي ملاحظتين :

1/ لما تبغى تمسّد ( تمسح ) على الطير .. تجيها على الستاند وتجيب يدك من فوووق راسه يعني من الأعلى .. وكذا تقنع الطير انك انت المسيطر .. علشان كذا يخاف ويحاول يدافع عن نفسه ..

في المره القادمة ارفع الستاند أو انت نزل مستواك شوي .. وتعال للطير من تحت .. بحيث تبدأ المسح من صدر الطير وتتجه للأعلى .. ويكون هو أعلى من مستوى يدك ويحس انه هو المسيطر فيشعر بالراحه .. عندها يبدأ الثقه فيك وانك ما راح تضره او تفكر بهالشي .

2/ لما قربت يدك وفيها عسل .. الطير كان يذوق العسل وما يعجبه وينزل راسه .. هذي دلالة استسلام وكأنه يقول لك انا ما ابغى عسل بالمقابل اعمل اللي تبغاه إلا العسل لا تقربه .. كان من المفترض انك استغليت هالفرصه بالمسح على جسم الطير .


هذا اللي عندي يالغالي .. لكن تظل طريقة عملك رائعة جدا ً .. والله الله بالصبر .. فالصبر مفتاح الفرج .. حفظك الله .. ولا تنسى تعلمنا بالمستجدات ^.^

،،

المشاركة الأصلية كتبت بواسطة the-gray (المشاركة 1427659)

بالنسبه للحب مايأكله شىء طبيعي

انت استمر اعطيه بس جوعة شوي

حتى هو جيعان يأخذها ويرميها استمر

بعد فترة تلقيه يفكها ويرميها ما يأكلها استمر

استمر حتى يأكلها حيأخذ اسبوع ممكن اقل ممكن اكثر

شىء طيب انه يأكل التفاح شكل له في الفواكة