منتديات تو زوو - مساعدة من خبراء الكاسكو الأفريقي (صور بالداخل)

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

رد: مساعدة من خبراء الكاسكو الأفريقي (صور بالداخل)

عسولي
الله يبارك فيك و مشكور على مرورك ، بالنسبة للصغير و المتكلم أعتقد ان الصعوبة في التدريب فقط لأن مافي ترويض ، لكن أنا أريد أن أتعلم و الله ييسر الحال و نشوف نتائج مع جوي (اسمه الجديد :D)

غسان الاشقر
إن شاء الله برفع لكم فيديوهات بالنتائج إن شاء الله لأن الطير بدأ ياكل من إيدي بالحبه فقط خلال 24 ساعة ! بس بسرعة ينسى ! لما أرجع اطلعه من القفص مرة ثانية يبدأ جعير من أول جديد بس صراحة صوتة اليوم أهدى من أمس بكثيييييييير و الله يسهل ، أنا أحس انه ذكي جدا و في أمل إن شاء الله

رد: مساعدة من خبراء الكاسكو الأفريقي (صور بالداخل)

اقتباس:

المشاركة الأصلية كتبت بواسطة كاسكاوي هاوي (المشاركة 1408936)

السلام عليكم أخي حياك الله ، بس كيف عرفت انه نفس الطير اللي شفته يوم السبت بس من الحجله ؟ لأن كأني شايف أكثر من طير بنفس الحجله

أنا عموما كنت جيبت متأخر بليل ببدل فيشر كنت شريته يوم الأربعاء ، اكتشفت ان ماله أصابع :88:، و بدلته و بعدين خلاص طقت براسي أجرب أدرب كاسكو :freind:، علشان كده كنت أدور واحد وحشي علشان أتعلم ترويض الكاسكو قبل تدريبه

عموما تقدر تعرف عمر الطير ؟ انا أخاف يكون كبير مره بالعمر !! يعني خمس سنوات أو فوق !
إن شاء الله بصور صور أكثر و أحط موضوع ، على فكره الطير صار ياكل من إيدي بالحبه مع جعرة خفيفة ، هل هذه علامة جيده أم عادي خلال يوم الطير الوحشي ياكل من الإيد ؟

بصراحه انا استغربت من الحجل لان كان حجل حمام

انا طلعت من السوق بعد صلاه المغرب

الطير اكبر من ستنين لان عينه صفراا انشالله يتروض مع ان ماكو شي مستحيل
احب التحدي

انا بالصيف انشالله راح اشتري واحد كبير بالعمر وابي اتحدا روحي معاه يا اغلبه يا يغلبني
بالتوفيق يارب

رد: مساعدة من خبراء الكاسكو الأفريقي (صور بالداخل)

موفق إن شاء الله و ترى انا فعلا حاسس بمتعه مع الكبير لما أشوفه يستجيب و يتغير مع إن ما صار له يومين و الحمد لله ماشاء الله تبارك الله الجعرة خفت كثير و صار ياكل بهدوء من غير مشاكل من إيدي

رد: مساعدة من خبراء الكاسكو الأفريقي (صور بالداخل)

انفتحت الحجله شكلها ، جلس يعضعض فيها لين صارت مكسورة ، مو متأكد إن كان هو اللي كاسرها ولا هي أصلا مكسورة

رد: مساعدة من خبراء الكاسكو الأفريقي (صور بالداخل)

الصور واضحه ما تحتاج خبير
الطير فوق الاربع سنوات اذا فعلا لون العين مثل ماهو بالصوره
الترويض يتروض ويصير مثل الحمامه عادى لكن مشكلتك بالكلام شبة مستحيل

رد: مساعدة من خبراء الكاسكو الأفريقي (صور بالداخل)

اقتباس:

المشاركة الأصلية كتبت بواسطة almer (المشاركة 1411114)

أخوي انت بالكويت ، فين أروح حق البيطري و كم يكلف الكشف على الطير كشف شامل يعرف العمر و لو في أمراض وخلافه

ثانيا كيف انك متأكد مره ان فوق الأربع سنوات ؟ تريد صورة أوضح للعين أرفعلك الحين في رد ثاني إن شاء الله

رد: مساعدة من خبراء الكاسكو الأفريقي (صور بالداخل)

صور الطير الجديده واضحه جدا
وهى توضح ان الطير كبير بالعمر
واعرف عمر الطير من العين ولونها اذا كانت ابيض ناصع البياض يكون الطير بعمر سنه واربع شهور بالضبط
وبعد هذا العمر يبدأ تحول لون العين للأصفر فاتح جدا مقارب للأبيض ويكون عمرره سنتين بالضبط وبعد هذا يبدأ الصفار يزيد وفى حالة طيرك اعتقد انه طايف الاربع سنوات لان الاصفر اصفر بكل معنى الكلمة
ويبقى لون العين هكذا الى اخر عمره وكل ما زاد العمر اكثر تقل فتحة البؤبؤ وتصبح اصغر وهذا نلاحظه بالطيور الكبيره جدا بالعمر ...
انا ربيت اثنين وكلهم كبار وكانوا متوحشين الى درجة ما تصدق انهم طيور تقدر تقول تماسيح متنكره بريش طيور :) ولا زال عندى واحد منهم والثانى اهديته لصديق .
وعلى فكره انا مانى خبير لكن لانى عانيت وجربت اشرس طيور كاسكو بالعالم :D تعلمت من كثر ما سألت وقريت وناقشت كبار الهواة بطيور الكاسكوو والحمدالله اثنينهم صاروا مثل الحمام لكن بدون كلام بس اخذ تصفيرات حلوه
بالنسبة لموقع الطبيب :
فى اثنين بالكويت مستوصف الدهماء البيطرى ومستشفى رويال البيطرى واثنينهم متخصصين بالكاسكو لانهم بسوق الحمام اللى بسوق الجمعه .
اذا كنت مشترى الطير على اساس انك تروضه وتتعلم اوكى
لكن اذا عندك امل انه يتكلم اسمحلى اصدمك واقولك شبة مستحيل انه يتكلم بسبب العمر .... على قولة مثل الشعبى البزون العود ما يتعلم :D
عموما وبكل الاحوال .... بالتوفيق

رد: مساعدة من خبراء الكاسكو الأفريقي (صور بالداخل)

almer
أشكرك بعنف على مرورك و مشاركتك ، هو فعلا أمس كان أول تصفيره ليه و كانت حلوه فعلا ، كررها مرتين
هو شكله مع الوقت بيتعلم و يبطل الخوف ، و الله يسهل