المشاركة الأصلية كتبت بواسطة habash05 (المشاركة 923318)

السلام عليكم

موفق انشاء الله بطيورك والله يعطيك خيرهم

اولا وقبل لاجاوبك عن اسالتك احب اقولك نصيحه هي ان لا تخلي احد يقرب من القفص غيرك او الي راح يعتني بهم

والحين هذه اجاباتي لاسألتك

1-متى حطيت العش قبل يتوالفو ولا بعد..
حطيت العش بعد ما توالفوا و طبعا نقلتهم لقفص كبير

2-وكم يوم جلس العش معلق بدون محد يدخله
العش مهم لهم حتى لو ما باضت الانثى لانهم يدخلون العش ليحتمون من عوامل الجو او ليحتمون من اي احد

3-قديش جلسو يكتشفون ويلفلفون بالقفص ...(كم يوم)
الجوز اللي عندي ضل 8 شهور حتى موعد التبييض بس طول هذه المده يدخلون العش خاصه الانثى

4- مين اول دخل (الذكر ولا الانثى)..ومتى دخلو سوا في نفس اليوم ولا طولوو
الذكر هو الي علم الانثى دخول العش (لما احد يمر جنب القفص الذكر يصرخ و الانثى تهرب لداخل العش)

5-متى بيضت ...وقبل تبيض هل خرجت من العش ولا ماتشوفها الا لماتاكل..
من تبيض طبعا الذكر ما يخليها تطلع من العش حتى لو علشان الاكل طبعا اول تفريخه بعدين الانثى تتعود وتطلع اوقات بسيطه تحرك نفسها بس يمكن في الاسبوع مره تقريبا

6-هل في مره جبت عش ولا عجب الدره وتركته ...:(
اخوي عش الدره لازم يكون كبير ومن الخشب ومن الداخل تحط لهم نشارة الخشب واكيد بيعجبهم

7-كم بيضه وضعت(اقل مره كم ..واكثر مره كم)..
الطبيعي 4 بيضات في المره الواحده وطبعا مره واحده في السنه

8-هل تاكل الدره بيضها ؟؟؟
لا اخوي ما تاكل بيضها

9-كم فرخ مات من الفروخ ؟..وكم سنه :(
ما فهمت ايش قصدك من الموت يمكن انهم ما يستحملون الجو؟ لا ما ماتوا من الجو بالعكس انا كنت حاطهم بره في الشمس و الهو والمطر وما جرالهم شيء بس العام ثلاث ماتوا من الهوشات بينهم والسنه ناوي افصلهم لما يجي وقت التبييض

10-لما مسكت الفرخ هل تهاجمك امه او ابوه ؟؟
لا ما تهاجم لاني اعطيهم الاكل بس الانثى تصرخ

11-كم عمر الفرخ عندما بدأت تلمسه ؟
عمرهم اسبوع بس لما كانوا جلده

12-..قول اي معلومه مهمه لمن ينتظر البيض الان من الدره :cool:
اخوي انا علشان ادل الانثى لمكان التبييض حطيت بيضه صناعيه في العش

وبس

ترا كلها عشره اسئله اجوبتها جدا قصير مو تتاكسلون وماتردون ..ممكن بأجابتكوم تحيون دررررر ;)
وين العشره صاروا اثنى عشر


وسامحني لو اخطيت لان خبرتي ما هي كبيره وانشاء الله الخبراء يعدلون لي او يضيفون الي ما قدرت اقوله


وهذه صوره للفروخ اول اسبوع

[IMG]http://www.2zoo.org/get-6-2009-2zoo_org_yfk8igua.jpg[/IMG]

المشاركة الأصلية كتبت بواسطة مجنون فلته (المشاركة 923372)

السلام عليكم


الدره الي عندي انا اخذتهم بارزين

وفرخو عندي اربعه ولا واحد منهم مات الحمد لله

ويوم شالوهم البيت

محد من الأم او الأب هاجمهم

ويوم اجيبهم واخليهم بالقفص مع العش دخلت الأنثى والذكر ضل برى

اما عن طرقة تفريخهم ماكنت موجود بالبيت كنت مسافر

المشاركة الأصلية كتبت بواسطة راينو (المشاركة 924263)

والله ما اقدر اجاوبك لاني ما عندي خبرة
بس حبيت اشكرك
و اشكر كل الاخوان اللي ساعدوكي
وان شاء الله يجيك زيادة

المشاركة الأصلية كتبت بواسطة سكر (المشاركة 924540)

المشاركة الأصلية كتبت بواسطة عزو11 (المشاركة 924887)

مشكوره اختي على الموضوع

اخوي سكر اذا انتجت الدره ترا اول فرخ بيفقس من البيضه بيكون من نصيبي انشاء الله

(انت كريم وانا نستاهل) بس انتبه له لا يموت ههههه


طرار ويتشرط.


تراني امزح معك اخاف تقول ان هذا بينشب فيني وماراح تفرخ هههههههه

وشكرا

المشاركة الأصلية كتبت بواسطة habash05 (المشاركة 925280)

السلام عليكم

موسم التفريخ راح و فروخي اللي بالصوره السابقه فرخوا اول شهر 4 يعني عمرهم اليوم شهرين و عشرين يوم

و بالنسبه لطيوري حاطهم في قفص كبير طوله 8 قدم والعرض 4 قدم وهذه صوره للطيور بالقفص

[IMG]http://www.2zoo.org/get-6-2009-2zoo_org_6zqn02pb.jpg[/IMG]