منتديات تو زوو - مادري سالفة ببغائي

اخوي كيفك
اصبر على الطير لين ما يتعود على البيت
لانو باقي جديد اسبوع مده مو كافيه
واذا تبغاه يتعود عليك انت غير له الاكل والماء ونظف القفص اول بأول
وخليك معاه وكلمه وحاول انو تحك اطراف اصابعه ولاتخاف منه لانو اذا شافك تخاف منه رح يفكر انو اذا انا جغرت ولا عضيته رح يهرب مني وانا رح اسوي كدا كل ما قرب مني .
وخليك حنين معاه كلمه بصوت خفيف ولطيف ولا تصيح عليه
انت اجلس مع الطير ساعتين يومين مو كتيره بس بشرط انو تكون انت والطير لوحدكم في غرفه منعزله ما فيها ولا احد حتى اذا عندك حيوانات اخرى طلعها برى الغرفه
عشان يتعلق فيك الطير
اما بالنسبه لاخواتك الطير انا كان عندي بنفس طريقتك ياكل من يدهم ويلعب معاهم
ودحين الحمد لله احسن من اول بمليون مره
انا مجرب هادي الطريقه وان شاء الله رح تفيدك
تقبل مروري
والسموحه اذا كان كلامي فيه اي ازعاج لك