رد: لدي كروان مريض ارجو من الخبراء ايجاد حل بأسرع وقت
 

اختي غجرية
أودّ ان أضيف على كلامك الليمون وحده في مشربية الماء يسبب تهيج لهم في الفم
كنت انا الاحظ طيري لما يشرب الليمون مع الماء يطلع لسانه ويلفه وبعدين ادركتُ هذه المعلومة انه يسبب تهيج فقمت اعطيه ليمون بالثوم ( المغلي بالماء) لما اشوفه شويه مب على طبيعته


واعتذر على المداخلة [emoji120]
تقبلي مروري [emoji120][emoji4]


Sent from my iPad using 2zoo.com mobile app

رد: لدي كروان مريض ارجو من الخبراء ايجاد حل بأسرع وقت
 

اهلا اختي
نحن هنا لنتعلم ونفيد ونستفيد
وكل شخص وله تجاربه الناجحه والفاشله ومن خلالها يحاول مساعدة الاخوه والاخوات
بالنسبة لي انا اضع لطيور الكروان وهم جوز 5 نقط ليمون بالمشربية
والحمد لله بفضل رب العالمين لم اواجه اي نوع من الامراض
خاصه بعد التسبيح
والثوم لم اجربه ابدا
وشكرا على المداخله وجزاك الله خير

رد: لدي كروان مريض ارجو من الخبراء ايجاد حل بأسرع وقت
 

اشكر لكم تواصلكم و نصايحكم
بالنسبه لي اخذتها اليوم للمستشفى البيطري الجامعي و كان فيع طبيب اتوقع من الطلاب المتدربين و كشف عليها بمجرد النظر لها و قال مافيها لا امراض معوية و لا تنفسيه و اعطاني فيتامينات لها عباره عن قطرة
لأنه يقول البراز طبيعي والتنفس طبيعي و يقول احتمال من الاكل لمن تغير عليها صارت ماتتقبل الاكل الجديد
مع ان الاكل هو نفسه الخلطة اللي فيها الحبوب و البذور و القطع الملونه لكن فيها اختلاف بالحجم و بعض المكونات
جربت لها ظ¤ انواع و كلها ماتقبلتها تاكل شوي و ماتزيد عن 6 او 7 حبات و بس و تاكل ببرود
الوضع غريب بما انها ماتعاني من مرض معوي او تنفسي يعني ان التسييف و الخمول وفقدان الشهيه له سبب اخر

طبعا لاحظت من يومين و حتى اليوم انها تمد جناحها و تخليه ممدود لفتره تقريبا من 5 الى 10 ثواني و احيانا وهي تاكل او تشرب او حتى وهي تمشي تترك جناحها ممدود مدري ليه هل ممكن تكون اصابه مثلا و هالاصابه تكون مسببه لها الخمول و فقد الشهيه احيانا لما تمد جناحها زي اللي تصرخ او تصيح صيحه بسيطه بس الحين تمد جناحها و هي ساكته بس عادي تطير طبيعي لكن احسها خفيفه وهي تطير

المشكله مافي تشخيص محدد لحالتها لأن اذا عرفنا التشخيص راح نعرف العلاج المناسب

اسف على الاطاله بس موضوع الكروان هذا عجيب لأن محد عارف بالضبط هو من ايش يعاني

رد: لدي كروان مريض ارجو من الخبراء ايجاد حل بأسرع وقت
 

السلام عليكم
اخوي عبد الله المشاكل الي ذكرتها على الطير دايم واكثر الأحيان تكون من التيارات الهوائية
والله احيانا يقعد القفص عند اسبوع اسبوعين بدون تنظيف ولا يصير شي للطير طبعا على حسب نظافة القفص
واحيانا انظفه يوميا ويمرض الطير
عندك أشياء اقدر افيدك فيها وبإذن الله اساعدك
اول شي طبق حركة الاخ الي ذكرها الماء بالثوم
ثانيا الشمس لازم تعرضها للشمس عشان مستوى الطاقه عندها يرتفع اشوي والخمول يقل ولو في اي بكتيريا تموت كان عندي زوج كروان وزوجين بادجي
جتهم نفس المشكله بالشتاء لدرجة فقدت اليأس صرت يوميا اشمسهم حوالي من ساعه الى ساعتين وحط لهم لبناء بالثوم
ومشكلتي أهون من مشكلتك اخوي لكن جرب
وما زدت شي جديد عن الاخوان لكن تنويه لك انك تجربها
وعندي لك رقم بيطري وخبير طيور يقدرون يفيدونك لو حاب تاخذهم تعال خاص توصية من راعي الرقم ما اعطيه احد
ملاحظة (((( اي طير يمرض عليك لا توديه بيطري هذولي صيدليين بيطرة ماهم دكاتره خذهم عند وزراة الزراعة ااو الثروة الحيوانية هناك تلقى الدكاترة ))))
والله ورب الجلالة انكسر عند رجل حمامة بين الركبة والاصابع لفيت عليهم كلهم محد ساعدني رجعت انا ولفيتها والحمد لله اتحسنت
انكسر عندي ركبة بادجي وتعرف البادجي صغير فقدت الامل لما كلهم ما يعرفون رجعت البيت ولفيتها وثبتها والحين ما شاء الله معاه انثى وانتظر البيض
انكسر عندي فخذ روز طبعا ما رحت للبيطري ولا عالجتها أخذتها وزراة الزراعه قالوا تعال اليوم الثاني لو يحتاج عملية سويناها جيت اليوم الثاني قالوا شربه نسبة بسيطه من الحليب وخله فترة والحمد لله مشيت على كلامهم وانتفعت من الاخر البيطري فائدته ي رتب العلاجات داخل الصيدلية ماهو الكل لكن لحد الحين مافي احد نفعني والله كثير طيور عندي مرضت واعالجها تموت اشك يعطوني سم مو علاج

Abo_7sen

رد: لدي كروان مريض ارجو من الخبراء ايجاد حل بأسرع وقت
 

بالنسبة لليمون لا تحط ليمونه كامله او نص او ربع خمس نقاط تكفي التوفيق للجميع

Abo_7sen

رد: لدي كروان مريض ارجو من الخبراء ايجاد حل بأسرع وقت
 

اشكرك اخوي ريان على ردك و نصيحتك
بالنسبه للنظافه تقريبا كل يومين او ثلاثه انظف ارضية القفص و بالنسبه لمشربية الماء و معالف الاكل تقريبا باليوم مرتين اغيرها
وبالنسبه للتيارات الهوائية ماتعرض لها الكروان لانه بداخل غرفه لكن لمن اعتدل الجو عندنا صرت اطلعه للشمس كل يوم تقريبا لمدة من 10 دقائق الى 20 دقيقة

رد: لدي كروان مريض ارجو من الخبراء ايجاد حل بأسرع وقت
 

اخواني الكروان اليوم تعبان اكثر من امس و فقد نشاطه بشكل كبير لدرجة انو لمن يمشي مايكون متوازن

عملت بنصيحتكم و سويت بيض مسلوق بالبقسماط لكن عجزت فيه مو راضي ياكل ابد
و اعطيته علاج فيتامينات و مانفع
المشكله مامعه اي اعراض تدل على امراض تنفسيه او امراض معويه او حتى فاش السؤال ماهي الامراض اللي ممكن تؤدي لهذي الحاله رغم عدم ظهور اعراض لأي مرض تنفسي او معوي او حتى فاش

العلاجات اللي عندي استخدمت منها له علاجين وهم علاج طرد الديدان و اسمه اسكابيلا و علاج الفيتامين نفس شركة علاج اسكابيلا وكلهم كبسولات و اعطيته اليوم فيتامين قطره بالماء لكن باقي القطره الثانيه اسمها فارما فيول فينيكول و باقي نوع حبوب مضاد ما اعرف ايش وظيفته بالضبط واسمه pantex holland b.v

الحين اعطيه من القطره او من المضاد هذا او فيه علاج ثاني افضل ؟

رد: لدي كروان مريض ارجو من الخبراء ايجاد حل بأسرع وقت
 

يا اخوان تذكرت حاجه قبل قليل قد تفيد في التشخيص لحالة الكروان
وهي ان الكروان قبل فتره كنت اضع له بأرض القفص ورق ل لف الساندويتشات و كان يقطع منها و ياكل من اطرافها و اخر مره اكل كميه تقريبا بحجم كف اليد فهل هذا هو سبب المشكله ؟

ارجو السرعه بالرد لأن كل دقيقة تأخير تسوء حالة الكروان فيها

رد: لدي كروان مريض ارجو من الخبراء ايجاد حل بأسرع وقت
 

من الممكن ان هذا الورق تجمع في حويصلة الطائر مما أدى الى فقدان الشهية هذا مجرد احتمال فلا ادري ان كان صحيح فإذا كلامي صحيح فلازم عمليه يتم من خلالها استئصال هذه الكمية من الورق الموجودة في الحويصلة


Sent from my iPad using 2zoo.com mobile app

رد: لدي كروان مريض ارجو من الخبراء ايجاد حل بأسرع وقت
 

اما عمليه هذي وين اسويها للكروان
مافي علاج لنتظيف الحويصله او المعده والامعاء
امس اعطيته فيتامين و لاحظت ان البراز اعزكم الله اليوم تغير و صار فقط سائل مائي شفاف و فيه بقعه بيضاء لكن بدون المادة الخضراء تقريبا تبرز لثلاث او اربع مرات بالطريقه هذي وبعدها رجع البراز مثل السابق طبيعي اخضر متماسك و فيه شوية بياض