|
رد: تعالوا خلونا نختبر شاااعريتكم ;)
يا سلام عليك يا مصدي بيك اهنيك على شاعريتك :) بس ماكو فايده الشباب جنهم نامو :rolleyes: |
رد: تعالوا خلونا نختبر شاااعريتكم ;)
السلام عليكم .. يا سلام ع هل موضوع .. اشكرك اخوي .. اممممم هذي احد كتاباتي الحين كتبتها من شفت الموضوع حبيت اكتب شي .. ***** دلع أسمي وأسمك أنك تدلعني لو اليوم جيتني تضحك بكره تطلع وكلك دموع أبد أبد لا تكابر علي وتظن بيوم بزعل لا والله ما يهمني فراقك كان ما يهمك حضوري أقول أجلس بمكانك أرجوك رجيتك لا تجيني وتدمر آخر صوره لك بخيالي **** تحياتي لكم .. |
رد: تعالوا خلونا نختبر شاااعريتكم ;)
حبيب البي بو خالد تسلم والله وتسلم على مجاملتك لي:> اتمنى انها اعجبتك:) وهذي ابيات احبها ودائما بلساني للشاعر الفارس العقيد\راكان بن حثلين ال حثلين العجمي شيخ قبيلة العجمان رحمه الله واللي يشرح بهالبيتين الرائعين حال مجالس اهل الطيب والكرم وتجمع الاهل والاصحاب في حضور الشاذليه والكيف بصفر الدلال شروى مجالسكم ان شاء الله... واترككم مع القصيده ياما حلى الفنجال مع سيحة البال في مجلـس مـا فيـه نفـس ثقيلـه هــذا ولــد عــمٍ وهــذا ولــد خـــال وهـــذا رفـيــق مـــا نـــدور بـديـلـه واتمنى ان القصيده تنول اعجابكم... ملاحظه لحبيبي بو كشيشه: يا مستر ليون صراحتا انا اطالب بتثبيت الموضوع لانه صار مرجع للشعر من بعد التفاعل ما شاء الله واطالب باقي الاعضاء بزود التفاعل والله يعطيكم الف عافيه |
رد: تعالوا خلونا نختبر شاااعريتكم ;)
يا سلام عليك يا مصدي وطبعا الشيخ راكان غني عن التعريف :) وقال بن حثلين يا زيـن يللـي في ذراعـك نقاريـش الحكم حكم الله وحكمـك على الـراس إن شيتني حشـاش سيـد الحواشيـش وإن شيتني حطـاب قـرب لي الفـاس وإن شيتني خيـال أروي المعاطيـش واثني وراهم يـوم الأريـاق يبـاس الفرخ لا يغـويك في صفـة الريـش طير الحبارى يا اريش العين قرنـاس |
رد: تعالوا خلونا نختبر شاااعريتكم ;)
بوخالد تسلم على هذه القصيده الرايعه والجزله للشاعر العقيد راكان العجمي..ولا هنت.. وهنا اطرح لكم بيتين رائعين من ابيات خلف بن هذال العتيبي وهي قصيده رائعه من 54 بيت وهذي اول بيتين بالقصيده اتمنى انها تعجبكم.. سوو لي الكيف وارهوا لي مـن الدلـه البن الاشقـر يـداوي الـراس فنجالـه كيـف ٍ لنـا نحرقـه بالنـار ونـزلـه واليا انقطع لو من ورى صنعا عنينا له وسلامتكم:).. |
رد: تعالوا خلونا نختبر شاااعريتكم ;)
السلام عليكم جميعا.. مشكورين على الاشعار الحلوه والمعبره.. واضيف هالكمن بيت اللي عجبوني..
هاك الشقى مليت اشيله في عيونـــي واحملـه أخاف يسرق ضحكتي وأيام عمري ماشعـــــرت! هاك السهر عن قصتي ويـاك تقـدر تسألـه لأجلك رضيت بـــ رفقته يوم أنت غافل ماسهرت فدوه سنيني من عرفتـك بـــ الجــــــروح مسربله وأذا شكالي منك جرحي عنك بـــ الدمع اعتـذرت انسان أناعمري مراحل وأنته أعذب مرحلـه فيها العذاب استعذبه وأقول رابـح لوخسـرت حبيبي صبري على بعض المواجـع مهزلـه جيتك سنيني ترتجف لـــــ أحلى مواعيدي حضرت!! تحياتي للجميع/ توتي |
رد: تعالوا خلونا نختبر شاااعريتكم ;)
السلام عليكم .. حبيت أشارك معاكم بس سامحوني الأبيات مو من عندي .. الأبيات للدكتورة قمرة
عجبتني وحبيت أشارك فيها والمرات الياية راح أييبلكم شي محلي .. اسم القصيدة على باب الهوى ناطر .. وخذيت جزء منها أنا ودي بشي بعدك يسليني... وناسة لو ترد يمّي... تغلّيني حبيبي كيف فـ أحزاني تخلّيني؟؟... تغيب و تاخذ اللي كان يحليني؟؟ حلاة الحب.. تدنيني و تحويني ... و تشرب من عطا قلبي... و تسقيني نسيت الضحكة من عقبك و خانتني ... معاني البهجة و الأفراح... جافتني... و ما ظل غير دمع العين يرويني رجيتك يا دموع الفرقة.. انسيني! تحياتي ***************************** |
رد: تعالوا خلونا نختبر شاااعريتكم ;)
البارحه قلبي زادت مواويله والعين والعبراه تسرح تناديله ياناس مكتوبي منهو يوديله اشكيله الحالي سهران كل ليله اناس لي نامت فاضت بيجروحي حتي القمر لي غاب ظليت انا بروحي لي قلت انا بنساك تفضحني دموعي وزيد في قلبي الشوق وتزيد اهمومي محتار انا وياك شتتلي افكاري ليتني انا انساك او تنطفي ناري |
رد: تعالوا خلونا نختبر شاااعريتكم ;)
روووووووعه ماشالله عندكم ذوق رفيع:) ان شاءالله تعجبكم هالابيات مرفوض حبك يا من تحملني إليك الأشواق ***** مرفوض حبك يا سيدة الملكــــــات ... مرفوض حبك يا من علمني الكلمات مرفوض لو يغدو ربيع العمر شتاء ... لو يغدو كتــــــــــــاب حياتي ورقات لو جف القلم النــــــــــابض بحياتي ... واحتلت مني دمـــــــــوعي البسمات لو باتت منك عيـــــــــــــونك باكية ... مرفوض والقلب ملئ حســـــــــرات مرفوض لن أغفر ذنبــــــــــــــــك ... لو تملأ عينيــــــــــــــــــــك العبرات لن أقبل كوني بيديـــــــــــــــــــــك ... جريح الكــــــــــــــــــــرامة لحظات مرفوض حبك والقســــــــوة دائي ... لن أنسي طعم القســــــــــــوة سنوات مرفوض حبك يا خطـــــأي الأكبر ... نعم فلكل عظيــــــــــــــــــــم هفوات مرفوض حبك يا من علمني الكلمات |
رد: تعالوا خلونا نختبر شاااعريتكم ;)
ارجع ارجع مثل القمرة,تضوي ديرة العشاق ارجع تعب قلبي بين حاير وبين مشتاق مواني الشوق تناديلك,تقول ارجع تقول ارجع كل كلمة في يوف اليوف,تقول اسمع تقول اسمع مع نور الفجر كل يوم انا اترياك,اسلي نفسي بظنوني واقول بلقاك يصرخ قلبي بالاهاااااااااات على ذكراك,ندى ينزل مع العبرات على طرياك انا ولهان اشوفك جاي,وشوقك يسبق الخطوة انا ولهان تكون وياي,على قليبي تمر فرحة متى ترجع دفى عمري,على جناح الهوى تجيني وارتاح من عذاب قلبي وترجع بسمة سنيني |
| جميع الأوقات بتوقيت GMT +3. الساعة الآن 02:40 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو